Patriot-tulga.kz
ҰЛТ ӨНЕРІН ҰЛЫҚТАҒАН
Мақсатымыз – қобызды
насихаттау!
Құрманғазы атындағы Қазақ Ұлттық халық аспаптар оркестрі – қазақ музыка өнерінің мақтанышы. 87 жылдан бері халқына қалтқысыз қызмет етіп келе жатқан оркестрдің құрамында еліміздің мәдениет және өнер қайраткерлерінің үлкен шоғыры қызмет етті. Ондағы музыканттардың әрқайсысы оркестрдің бір-бір тұлғасы. Бүгінгі ұжымның сондай мақтан тұтар жастарының бірі, оркестрдің бірінші қобыз тобының жетекшісі, халықаралық конкурстардың лауреаты Зайрагүл Сүйекенова. Журналымыздың осы санында Қорқыт баба ізін жалғаған дарынды музыкант жайында әңгіме қозғалады.
Бағымды ашқан Ақтангерейдің термесі
– Балалық шағыңызға бірге саяхат жасасақ қалай қарайсыз? Құрты мен ірімшігінің исі аңқып, бұзауы мөңіреп, лағы ойнақтаған мамыражай ауыл естеліктерін жіпке тізіп көрелік...
— Сіз менің бүкіл балалығымды есіме түсірдіңіз ғой... Әрине, қуана-қуана әңгіме етем! Мен 1978 жылы 3-қаңтарда Қызылорда облысы Қазалы ауданында Шөміс ауылында дүниеге келдім. Шөміс станциясындағы мектепте төртінші сыныпқа дейін атам Әли мен апам Зибагүлдің қолында оқыдым.